Хаягдлаар хийсэн бүтээл юу өгүүлнэ вэ?

UB Info

“Гоё юм хийнэ” гээд хог хаягдлаа элдэв тоос чийгээс хамгаалан зургаан жилийн турш нандин эрдэнэ мэт хадгалжээ. Үйлдвэрийн агуулахын буланд хэзээ нэгэн өдөр бүтээл болох ээлжээ мөн ч их тэвчээртэй хүлээсэн дээ. Магадгүй таатай цаг үе, нөхцөл байдлыг хүлээж байсан биз. Гурван жилийн өмнөөс цуглуулсан xаягдал минь хашхирч эхлэх нь тэр.

Юу гэсэн гээч?

Уутан дотроос “Бидний цаг нь болсон, биднийг хорвоод таниулаач” гэж хашхирч гарлаа.

Нэлээд хэдэн өдөр бодсоны эцэст энэ бүх үйлдвэрийн хаягдал утсыг яагаад хадгалж эхэлснээ саналаа. Түүхий эдээс эхлэн бэлэн бүтээгдэхүүн болох хүртлээ урт удаан замыг туулахдаа энэ утаснууд олон хүний хөдөлмөр, хайрыг шингээн үнэ цэнийг бий болгон бидэнд хүрдэг билээ. Тиймээс миний хог хаягдал гэж нэрлээд буй энэ утаснууд үнэндээ хог хаягдал биш юм.

Ингээд л дизайнер болон уран бүтээлчидтэй уулзаж хаягдлынхаа захиаг дамжуулсан юм. Нээх ч шальтай газар авсангүй. Над шиг энэ хаягдлын үнэ цэнийг ухаж эрдэнэ гэж харах хүн ч ховор л доо. Уг нь хог хаягдлаар хийсэн бүтээгдэхүүн эсвэл бүтээлүүд дэлхийн хөгжлийг тодорхойлогч томоохон улсуудын хэрэглэгчдийн анхаарлын төвд байдаг. Бид бол хог хаягдал байх ёстой хэмжээнээсээ хэтэрсэн эринд амьдарч буй хүмүүс. Тийм ч учраас дахин боловсруулсан бүтээгдэхүүн ямар үнэ цэнтэйг та бүхэн мэдэх биз ээ. /үгүй бол Google-ээс сонирхоод үзээрэй/  

Ингээд бүтээлийн гол концепци болох “Хоггүй Дэлхий” тэртээх 6 жилийн өмнөөс бий болж өнөөдөр үггүйгээр өөрийгөө илэрхийлэх урлаг үйлдэх авай. 

Энэ бүтээлийг хийх явц болоод ашигласан техник тийм ч хэцүү байгаагүй. Гол санаа, гоо зүйн тест, өнгөний уран найруулга гээд бүхэлдээ мэдрэмжүүдийн нийлбэр. Бүтээл хийх явцын мэдрэмж яг л бясалгаж буй мэт байв. Яг л байгальтай ямар нэгэн харагдахгүй холбоосоор холбогдсон мэт. Учир нь ноос ноолууран түүхий эд өөрөө амьд материал юм. 

Ноос ноолууран хаягдал утсаар бүтээсэн арт инстляц

Бид энэ бүтээлээрээ дэлхийн хог хаягдлын талаарх шүүмжлэлт хандлагаа илэрхийлэхийн зэрэгцээ хүмүүсийг тогтвортой хөгжлийг эрхэмлэдэг брэндүүдийг дэмжихийг уриалж байгаа билээ. Энэ нь манай гаригийн тогтвортой ирээдүйг бий болгох чухал алхам гэж бид үзэж байна. Тогтвортой загварын брэндүүдийг дэмжсэнээр бид үйлдвэрлэсэн хог хаягдлын хэмжээг бууруулж, байгаль орчныг хамгаалахад тусалж чадна. Энэхүү арт инсталляци нь тогтвортой загварын ач холбогдлын талаарх ойлголтыг түгээж, хүмүүсийг хувцас загварын сонголтоо хийхдээ илүү ухамсартай шийдвэр гаргахад түлхэц болно гэж найдаж байна.

Авантын дизайнерын “албанд” 20 орчим дизайнераас шалгарсан Намуунтуяа маань уг бүтээл дээр хамтран ажиллaсан бөгөөд ноос ноолуурын хаягдлаар бүтээл хийх санааг минь баяртайгаар дэмжин мэдрэмж, ур ухаанаа шингээж хамтдаа бүтээсэн юм. Тэрээр Авантын SS/2023 (2023 намар/зун) цуглуулга загварууд дээр ажиллаж байгаа бөгөөд энэхүү бүтээлээс түүний уран яруу мэдрэмжийг уншиж болох юм. Цуглуулга маань ирэх жилийн хоёрдугаар сард худалдаанд гарах төлөвтэй байна.

Авант брэнд
Хаяг: Вива сити S23-S1,S2, ХУД – Үйлдвэрийн дэлгүүр, Метро молл 3-р давхар, ЧД
Утас: 90001849
Facebook: AVANT Mongolia
САНАЛ БОЛГОХ