Баярын ширээний шоколадтай жигнэмэг

Шинэ жил, Зул сарын баяраар та гараа гаргаж хийсэн халуун жигнэмэг идэхийг хүсэж байна уу?

Барууны орнуудад баярын ширээн дээрээ жигнэмэг тавьдаг уламжлалтай ажээ. Ингээд хамгийн хялбар, гар доорх материалаар хийх боломжтой шоколадтай жигнэмгийн жорыг “Noble” рестораны ахлах тогооч Э.Буянхишиг танилцуулж байна.

Орц:

-Цөцгийн тос 180 гр

-Элсэн чихэр 120 гр

-Өндөг нэг ширxэг

-Гурил 180 гр

-Исгэгч нунтаг 5 гр

-Шоколад150 гр. Жижиглэсэн байх шаардлагатай

-Самар 150 гр (Ямар ч самар байж болно, жижиглэсэн байх)

Жор:

-Шарах шүүгээг 170 хэмд халаана.

-Цөцгийн тос, элсэн чихэр хоёрыг уустал хутгана.

-Элсэн чихэр, цөцгийн тосон дээр өндгөө нэмж нэгэн жигд, бүтэцтэй болтол хутгана.

-Бусад хуурай орцнуудаа хийж хутгаад, бэлэн болсон зуурмагаа хөргөгчид 2-3 цаг амраана.

-25 граммаар тасалж, хэвэнд оруулж, тосолсон лист дээр тавина.

-Халаасан шарах шүүгээндээ 14 минут жигнэж болгоно. Халуун ажиллагаа дуусмагц 30 минут хөргөөд л идэхэд бэлэн болно. Хүсвэл шоколад болон элсэн чихэрийн нунтгаар чимэглээрэй.