"The Baby Boss" хүүхэлдэйн кино “Box Office”-ийн жагсаалтыг тэргүүлэв

Баасан гарагт нээлтээ хийсэн, жүжигчин Алек Балдуины дуу оруулсан "The Baby Boss" хүүхэлдэйн кино “Box Office”-ийн жагсаалтыг тэргүүллээ. “Comscore”-оос мэдээлснээр “Comcast” болон “Dreamworks Animation”-ийн хамтын бүтээл "The Baby Boss" хүүхэлдэйн кино амралтын өдрүүдэд АНУ болон Канадын кино зах зээлээс 49 сая ам.долларын орлого олсон байна. Шинээр нээлтээ хийсэн "The Baby Boss" кино олон улсын кино зах зээлээс 400 сая ам.доллар олно гэсэн хүлээлттэй байгаа аж. Энэхүү киноны гол дүрд дуу оруулсан жүжигчин Алек Балдуин "Saturday Night Live" шоуны үеэр АНУ-ын Ерөнхийлөгч Дональд Трампыг дуурайсан нь олны анхаарлыг ихэд татаж байсан бөгөөд энэ нь "The Baby Boss" нээлтээ хийсэн өдрүүдийн амжилтад нөлөөлсөн гэж кино судлаачид тайлбарлаж байна. Харин “Walt Disney”-ийн бүтээл “Beauty and the Beast” кино “Box Office”-ийн жагсаалтын хоёрдугаарт бичигдлээ.

“Beauty and the Beast” киноны орлого 32 сая ам.доллар болж, өмнөх долоо хоногийнхоос буурчээ. Нээлтээ хийсэн долоо хоногтоо "Walt Disney"-ийн шинэ бүтээл 170 сая ам.долларын орлого олж байв. Дэлгэцнээ гарснаас хойш “Beauty and the Beast” кино нийт 174.8 сая ам.доллар, Скарлетт Иоханссоны тоглосон “Ghost in the Shell” кино 19 сая ам.доллар, “Lionsgate”-ийн бүтээл, шинжлэх ухааны уран зөгнөлт “Power Rangers” кино 14.5 сая ам.доллар, "Warner Bros"-ийн бүтээл “Kong Skull Island” кино 8.8 сая ам.долларын орлого олоод байна.