Ирэх оны технологийн өнгө

Энэ бүх өгөгдлийн сан, олон тэрбумаар тоологдох зүйлсийн интернетийн төхөөрөмжийн аль алийг нь компьютерийн хүчин чадлыг үсрэнгүй сайжруулахгүйгээр хийх боломжгүй юм. 1975-2015 онд компьютерийн хүчин чадал хоёр жил тутамд 100 хувь нэмэгдэж байжээ. Харин одоо бол 1.5 жилд хоёр дахин илүү хүчин чадалтай болж буй. Магадгүй тооцоолох хүчин чадлын хэд хэдэн шилжилтийг давж байж квантын тооцоололд хүрсний дараа л компьютерийн хүчин чадал одоогийнхоос хэдэн сая дахин хурдтай болох юм. Гэхдээ л технологийн аваргууд нэгнээсээ урьтаж квантын тоо­цооллыг өргөн хэрэглээнд нэвтрүүлэхийн төлөө нойргүй шахуу хонож, хэдэн тэрбумаар нь хөрөнгө хаяж байна. БИДНИЙ ТУХАЙ МЭДЭЭЛЭЛ Ирэх оны технологийн өнгө 2020 он гэхэд 75 тэрбум төхөөрөмж ухаалаг болно

Кофе уухдаа, гадуур явахдаа, магадгүй стриминг үйлчил­гээгээр хөгжим сонсож байхдаа ч найз нөхөдтэйгээ чатлах, ний­тийн тээвэрт зорчихдоо картаа уншуулах гэх мэт зуршил болсон бидний үйлдэл хаа нэгтээ серверт бичигдэж байдаг. Олон сая хүний технологиор дамжсан том, жижиг бүхий л үйлдэл нийлсээр асар том дата баазыг бий болгодог.

Харин ирэх онд бидний ди­житал ертөнцөд бичих түүх улам арвижих нь. Bинут тутамд 900 мянган хүн Facebook нэвтэрч, Twitter-ийн жиргээ 450 мянгаар нэмэгдэж, 156 сая электрон шуудан болон 15 сая тэмдэгт мэдээллийг бид хоорондоо солилцдог гэх сүүлийн үеийн тоо байна. Өөрөөр хэлбэл, технологи бидний өдөр тутмын амьдралын нэг хэсэг болсноор дэлхийн дата баазын хэмжээ хоёр жилд хоёр дахин нэмэгдэж байгааг гайхах зүйлгүй юм.  

Ахуйн бүхий л төхөөрөмж ухаалаг утас, ухаалаг цагтай улам олноороо холбогдож, зүйлсийн интернетийн эрин үед улам ойртоно. Улмаар өгөгдөл тэлэхэд зүйлсийн интернэтийн оруулах хувь нэмэр эрчтэй тэлнэ гэсэн үг. Зүйлсийн интернетийн хэрэгсэл, төхөөрөмжүүд өөртөө агуулаг­дах бичил өгөгдлийн баазаар дамжуулж хүний оролцоогүй хоорондоо холбогдож, мэдээлэл дамжуулна. Автомашин ч 2020 он гэхэд зүйлсийн интернетийн нэг том оролцогч болох аж. Бараг 250 сая автомашин интернетэд холбогдоно гэх аварга тоо бий. Харин гэрт бол ухаалаг зурагтаас гадна иога хийдэг гудас ч зүйл­сийн интернетийн нэг төлөөлөгч болж хувирна гэдгийг Forbes онцолжээ. Ялангуяа, хүссэн хүн бүр л Alexa-ийн чанга яригч шиг дуут туслагчтай болох бо­ломжтой.

Гэхдээ энд нэг зүйлийг тод­руулж хэлэхэд, хэдийгээр ухаа­лаг төхөөрөмжийн тоо нэмэгдэж байгаа ч яг зүйлсийн интернетийн хувьд хөгжил дөнгөж эхлэл төдий байгаа юм. Одоогийн эрчээ алдахгүй явахад 2020 он гэхэд 75 тэрбум төхөөрөмж ухаалаг болно гэсэн таамгийг Лондон дахь IHS санхүүгийн байгууллага хийжээ.

Хүний танин мэдэх, сурах чадварыг компьютерүүд “эзэм­шээд” багагүй хугацаа өнгөрлөө. Хиймэл оюун ухаанд гарсан энэ өөрчлөлт ч компьютерийн хүчин чадал, өгөгдлийг үлэмж хэмжээгээр нэмэгдүүлэх нь мэдээж. Ялангуяа сүүлийн хоёр жилд хиймэл оюуны ухааны бий болгосон өгөгдлийн хэмжээ эрс нэмэгдсэн. Программын тус­ламжтай компьютерүүд хүний царайг таньж, олон нийтийн сүл­жээнд нийтэлсэн мессеж, текс­ 6 ЗАСГИЙН ГАЗРЫН МЭДЭЭ СОНИН 2017.12.13, ЛХАГВА ~ №239 (785) Технологи тийг уншиж, хариу бичиж, буул­ гасан тушаал, сэтгэл хөдлөлд ч хариу үйлдэл үзүүлж байгаа нь ирэх онд улам боловсронгуй болно.

Автомат төхөөрөмжүүд олш­рох тусам хүмүүсийн өмнөөс улам ихийг хийж өгч байна. Өөрөөр хэлбэл, алгоритм, робо­тууд хүний өмнөөс шийдвэр гаргаж, үүрэг гүйцэтгэж байна. Тэрчлэн үйлдвэрлэлийн салбар ч ажилчдаа роботуудаар орлуулах хувьсгал эхэллээ. Гэхдээ аюултай, бохир орчинд, хүнд нөхцөл дэх ажлын байруудыг нэн түрүүнд роботуудаар орлуулж байна. Тэд хүнийг бодвол хурдан, аюул багатай, хямд төсөр байдаг нь ямар ч үйлдвэрлэгч энэ эринд татагдах нь ойлгомжтойг илтгэнэ. Харин робот хувьсгалын дараагийн бай нь хууль, нягтлан бодох бүртгэл болж байна. Мөн хүнд даацын ачааны машинаас эхлээд тоосго өрөгч, эмч нар ч тун удалгүй робот эриний хөлд үрэгдэх цаг ойрхон байгаа нь цочирдом мэдээ юм. АНУ-ын нийт ажлын байрны 47 хувь нь робот хувьсгалд нэрвэгдэх эрс­дэлтэй гэх судалгаа байдаг аж.

Автоматжуулалтын эринд уламжлалт аж үйлдвэрийн салбарт 3D хэвлэл сөрөг нөлөө үзүүлж буй ч бусад салбарт ашиг тусаа өгч эхэлжээ. Уламжлалт аж үйлдвэрт металл, эд материалыг тайрах, багасгах замаар тодорхой хэлбэр дүрсэд оруулдаг. Харин 3D принтер бол нэмэх, арвижуулах маягаар үйлдвэрлэж байна. 3D хэвлэлийн өргөн хэрэглэдэг эд материалд хуванцар, металл, бетон, шингэн, нунтгаас гадна шоколад тэр ч байтугай хүний эд ч тооцогддог. 3D нь уламжлалт үйлдвэрлэлийг бодвол хэлбэр дүрсийг цогцоор нь бүтээдэг тул хэмнэлттэй тусдаг байна.

Технологитой харьцах арга зам сүүлийн жилүүдэд огцом өөрчлөгдөө. Одоо ч өөрчлөгдсөөр байна. Улам хялбар, улам хол зайнаас харьцах боломжтой технологийн шийдлүүд бий болж буй. Олон үйлдэл, төхөөрөмж дамжиж мэдээлэл авдаг, харьцдаг байсан бол ухаалаг утас, таблетийн тусламжтай эл үйлдлээ хүрэх төдий гүйцэтгэх болсон.

Одоо бол Siri зэрэг программын тусламжтай дуу хоолойгоороо дамжуулан харьцах тухай ярьж эхэллээ. 2020 он гэхэд интернет хайлтын 50 хувь дуу хоолойгоор дамжина гэж тооцоолж байна. Мөн 30 хувь нь дэлгэцгүй төхөөрөмжөөр хайлтын программд орох төлөвтэй байгаа аж. Харин энэ бүх үйлдлийг бусад төхөөрөмжид суулгасан Siri, Alexa болон Google Assistant зэрэг программын тусламжтай хийх юм. Тухайлбал, 2018 оноос Alexa BMW-р дамжин хэрэглээнд нэвтрэх бол бизнесүүд хэрэг­лэгчидтэйгээ харьцах арга за­маа улам шинэчилж, VR, AR технологийг дараагийн шатанд аваачна.

Өгөгдлийг хадгалах, батал­гаажуулах, хамгаалах аргад хамгийн бодитой шийдэл ол­сон технологи бол блокчейн. Блокчейн нь төвлөрлийг саа­руулснаар өгөгдлийн сангийн аюулгүй байдлыг хэрхэн хангаж байгааг яруу тодоор харуулж буй. Хэдийгээр хакераас бүрэн хамгаалах хамгаалалт байхгүй ч өгөгдөл хадгалах технологийн аюулгүй байдалд үнэмлэхүй дэвшил гаргасан. Санхүүгийн үйлчилгээ, даатгал, эрүүл мэн­дийн зарим байгууллага блок­чейн технологийг үйл ажилла­гаандаа амжилттай нэвтрүүлж байна. Европын холбоо, Умард Америкийн гол банкуудын бараг 90 хувь нь блокчейний шийд­лүүдийг судалж байгаа аж.

Дижитал ч бай, биет ч бай ямар ч төрлийн платформ бол бизнесийн чухал сүлжээ. Хүмүүс бараа, үйлчилгээ, мэдээлэл авах, солилцох талбар болдог тул платформын үнэ цэнэ улам нэмэгддэг. Гэхдээ платформ бол үйлчилгээгээр хангагч биш. Харин илүү олуулаа, саадгүй, үр дүнтэй, эрсдэл багатай оролцох боломж олгодог. Платформын ачаар л Airbnb, Uber, Amazon ахиж дэвжсэн. Харин Facebook, Twitter-ийн эх суурь нь. Өөрөөр хэлбэл, платформ нь бүхий л төрлийн салбарт бизнес эрхлэгч, үйлчдвэрлэгчдийг өсөж дэвжих боломжоор хангадаг юм. Бизнесийн уламжлалт гэж хэлж болох загвартай Ford ч мөн платформын стратеги хөгжүүлж байна.