"Залуусын тогтвортой ажил эрхлэлтийг дэмжих хөтөлбөр" зарлагдлаа

UB Info

Ажил идэвхтэй хайж буй 26 хүртэлх насны залуусыг Зориг сан "ЗАЛУУСЫН ТОГТВОРТОЙ АЖИЛ ЭРХЛЭЛТИЙГ ДЭМЖИХ ХӨТӨЛБӨР" -төө урьж байна.

Уг хөтөлбөр нь залууст ажлын байранд түгээмэл шаардагддаг ур чадваруудыг эзэмшүүлэх, ажлын бодит туршлага хуримтлуулах, залуусыг тогтвортой ажлын байр, орлоготой болоход нь дэмжлэг үзүүлэх бөгөөд ажилгүйдлийг бууруулж, залуусын эдийн засгийн чадамжийг нэмэгдүүлэх зорилготой.

Тавигдах шаардлага:

· 26 хүртэлх настай байх
· Ажил хөдөлмөр эрхлэх чин хүсэл эрмэлзэлтэй байх
· Их, дээд сургуульд сурч байсан эсвэл төгссөн байх
· Хөтөлбөрт идэвхтэй оролцох
· Улаанбаатар хотод амьдардаг байх (Алслагдсан дүүрэг, хорооны иргэн бол давуу тал болно)

Дээрх шаардлагыг хангаж буй оролцогчид өргөдлийн маягтыг онлайнаар ЭНД дарж эсвэл цаасаар Зориг сангийн байранд ажлын цагаар ирж бөглөх боломжтой.
Өргөдлийг 2019 оны 1 сарын 8-ны өдрийн 17:00 цаг хүртэл хүлээн авна.

Жич: Хугацаа хэтэрсэн материалыг шалгаруулалтад оролцуулахгүй болно.

Шалгаруулалтын хуваарь:

Урьдчилсан шатанд тэнцсэн оролцогчидтой холбогдох: 2019.01.11-12
Ярилцлага авах: 2019.01.16-17
Хөтөлбөр 2019 оны 1-р сарын 23-аас 6 сарын 7-ны хооронд Улаанбаатар хотод явагдана. Дадлага хийх 3 сарын хоол болон унааны зардлыг хөтөлбөрөөс хариуцна.

Утас: 11-315444

Вебсайт: www.zorigsan.mn

САНАЛ БОЛГОХ