БНХАУ-ын үйлдвэрлэлийн салбарын худалдан авагч менежерийн индекс 0.3 нэгжээр буурлаа

БНХАУ-ын үйлдвэрлэлийн салбарын худалдан авагч менежерийн индекс 12 дугаар сард 51.4 нэгж буюу “Bloomberg”-ийн шинжээчдийн 51.5 нэгжийн таамгаас бага зэрэг доогуур гарсан байна. Энэ нь өмнөх сараас 0.3 нэгжээр буурсан дүн болж байгаа ч 2012 оноос хойш тав дахь сардаа дараалан 50 нэгжээс буураагүй анхны тохиолдол болж байгаа юм. БНХАУ-д үйлчилгээний салбар өсөлттэй байгаатай зэрэгцэн үйлдвэрлэлийн салбарын өсөлт мөн тогтворжиж байна гэж дүгнэж болохоор байна. Хэдий үйлдвэрлэлийн зардал нэмэгдэж байгаа ч одоогоор энэ нь хэрэглээний үнийн индекст бага зэрэг нөлөө үзүүлэхээс биш БНХАУ-ын эдийн засгийн өсөлтөд саад болохгүй гэж тус улсын Minsheng банкны шинжээч онцоллоо. Үүнээс гадна БНХАУ-ын бизнесийн итгэлийн индекс өсөж жижиг болон дунд бизнес, хувийн салбарын үйл ажиллагаа эрчимжиж эхэлсэн байна.

Өнгөрсөн сард “Bloomberg Intelligence”-ээс ирүүлсэн мэдээллээс харахад БНХАУ-ын эдийн засаг 7 хувийн өсөлттэй гараад байгаа юм. Тус улс 2016 оныг эдийн засгийн өсөлттэй үзүүлэлтээр төгсгөж байгаатай холбогдуулан 2017 онд эдийн засгийн өсөлт нь тогтворжих таатай нөхцөл бүрдсэнийг шинжээчид онцолж байна.