Иерусалимын асуудлаарх НҮБ-ын тогтоолд АНУ хориг тавив
"Иерусалимыг Израйлийн нийслэлээр хүлээн зөвшөөрөх"-ийг эсэргүүцэх тухай Аюулгүйн зөвлөлийн тогтоолд АНУ хориг тавилаа. Египет улсын санаачлан боловсруулсан энэхүү тогтоолыг батлахыг НҮБ-ын Аюулгүйн зөвлөлийн 14 гишүүн улс дэмжээд байсан юм. Эдгээр улсын тоонд АНУ-ын холбоотон Их Британи, Франц, Япон улс багтсан нь олон улсын ажиглагчдын анхаарлыг татаж байна. Дээрх төсөлд АНУ болон Дональд Трампын нэрийг тодорхой заагаагүй ч Иеурусалимын статусыг өөрчлөх шийдвэрийг эсэргүүцэж буйг дурджээ. АНУ ийнхүү 1990 оноос хойш Палестин, Араб-Израйлийн асуудлаарх тогтоолд 14 удаа хориг тавиад байна. АНУ-ыг хориг тавьсны дараа Палестинаас НҮБ-д суугаа байнгын төлөөлөгч "Энэ шийдвэр энх тайван тогтоох боломжид саад хийлээ" гэж онцолжээ. Харин Иерусалимын статусыг өөрчлөхийг эсэргүүцсэн тогтоолын төсөлд хориг тавьсанд Израйлийн байнгын төлөөлөгч талархаж байгаагаа мэдэгдсэн байна.
- Шинэ
- Их уншсан
- Их сэтгэгдэлтэй