Итгэл өдөөх алт

Түүхий эд

Алтны спот ханш лхагва гарагт 0.8 хувиар өсөж 1352 ам.долларт хүрэв

“Найдвараа бүү алд. Түүнд гялалзах боломж бий”. Итгэм төрүүлэм ийм үгийг алтны ханш савласан сүүлийн хэдэн өдөр шинжээчид хэлж, хөрөнгө оруулагчдыг тайвшруулав. АНУ-ын шинээр ажилд орсон иргэдийн тоо өнгөрсөн долоо хоногт ил болж, шинжээчдийн таамгийг давлаа. Уг нь эдийн засагчид өнгөрсөн сард 180 мянган америк хүн ажилтай болсон гэж таамаглаж байв. Гэтэл энэ даруу таамгаас даруй 70 мянгаар илүү дүн гарах нь тэр. Энэ нь ажилгүйдлийг мөнгөний бодлогынхоо нэг луужин болгодог АНУ-д сайн мэдээ. Бас хэт зөөлөн мөнгөний бодлогоо хумих эерэг дохио болов.

Хэрэв манай гарагийн хамгийн том эдийн засаг мөнгөний бодлогоо өөрчилж, жишиг хүүгээ танавал дэлхийн хамгийн түгээмэл валютын ханш өснө. Ингэснээр ам.доллартай урвуу, бидний амьдралтай нягт хамааралтай алтны үнэ уруудах төлөвтэй. Тиймээс ажилд орсон америкчуудын тоо алтны ханш долоон өдрийн доод цэгт хүргэхэд шууд нөлөөлөв. Америкийн хөдөлмөрийн зах зээлийн мэдээлэл ил болсон энэ сарын 4-нд шар металлын ханш 2.6 хувиар урууджээ. Улмаар хоёр жилийн дээд цэгт хүрч, 1400 ам.долларыг шүргэж байсан шар металлын ханш 1300 ам.долларт дэнжигнэв. Гэхдээ лхагва гарагт алтны спот ханш эргэн сэргэлээ. Хэдийгээр ханш цөөнгүй хоног дараалан уруудсан ч, 1300 ам.доллараас буугаагүй юм. Бас АНУ-ын Холбооны нөөцийн банк бодлогын хүүгээ энэ оны эцэс гэхэд өсгөх магадлал өндөр байгаа ч алтны ханш он гарсаар 20 гаруй хувиар чангараад байна. Цаашид ч өсөх өөдрөг төлөвтэй. Шар металлын ханш чангарч, энэ оны эцэс гэхэд 1500 ам.доллар хүрнэ гэсэн таамгийг шинжээчид дэвшүүлж байна. Мөн “зөгнөл”-өө хамгаалах хэд хэдэн үндэслэлийг ч хэлж байгаа. Эдгээр үндэслэлийн эхэнд геополитикийн эрсдэл эрэмбэлэгдэж байна. Исламын улс спот ханш эргэн сэргэлээ. Хэдийгээр ханш цөөнгүй хоног дараалан уруудсан ч, 1300 ам.доллараас буугаагүй юм. Бас АНУ-ын Холбооны нөөцийн банк бодлогын хүүгээ энэ оны эцэс гэхэд өсгөх магадлал өндөр байгаа ч алтны ханш он гарсаар 20 гаруй хувиар чангараад байна. Цаашид ч өсөх өөдрөг төлөвтэй. Шар металлын ханш чангарч, энэ оны эцэс гэхэд 1500 ам.доллар хүрнэ гэсэн таамгийг шинжээчид дэвшүүлж байна. Мөн “зөгнөл”-өө хамгаалах хэд хэдэн үндэслэлийг ч хэлж байгаа.

Алтны ханш өнөөгийн үнээс өсөх төлөв давамгайлж байна
Эдгээр үндэслэлийн эхэнд геополитикийн эрсдэл эрэмбэлэгдэж байна. Исламын улс хааш чиглэх бол. Үүнийг он цагийн дарааллаар хүргэе. Үүнээс урьтаад, энэ оны эхний хагаст алтны ханш гэнэт цойлж, огцом өссөнийг уншигч танд эргэн сануулья. Шинжээчдийн дийлэнх нь 2016 оны эхэн үед алтны үнэ 1100-1200 ам.долларт хэлбэлзэнэ гэж таамаглаж байв. Гэтэл үнэ гэнэт өсөж, 1300 ам.долларыг давсан байна. Харин энэ болон ирэх улиралд өнөөгийн үнээс өсөх төлөв давамгайлж байна. Зарим шинжээч оны хоёрдугаар хагаст шар металлын ханш 1400 ам.долларт хүрнэ гэж таамаглав. Бас үүнээс 100 ам.долларын ахиу дүнг хэлэх экспертүүд ч байна. Олон улсын санхүүгийн үйлчилгээний “Goldman Sachs” байгууллага энэ онд алтны ханш 1300 эсвэл 1280, үгүй бол 1250 ам.долларт хүрнэ гэсэн таамаг дэвшүүлэв. Харин “Commerzbank” үүнээс 50 ам.доллараар ахиу үнээр төсөөлсөн бол “Natixis”-ийн төлөвөөр ирэх хоёр сарын хугацаанд алтны ханш 1450 ам.долларт хүрэх аж.

Тэгвэл энэ онд ингэж гялалзаж буй алтны ханш ирэх онд улам ч чангарах таамаг байна. Шинжээчид алтны хувьд ирэх он ч ид шидийн жил байх болно гэж төсөөлж байгаа. 2017 онд алтны үнэ цойлж 2400 ам.долларт хүрнэ. Улмаар 2018 онд 3200, 2019 онд 4000, 2020 онд 5000 ам.долларт хүрнэ гэсэн таамгийг эдийн засагчид хэлж байна. Тухайлбал, “Credit Suisse” болон “RBC Capital Market” ирэх онд 1500, “ABN AMRO” 1450 ам.долларын үнийн “төлөг” буулгажээ.

Эдгээрийг нэгтгээд үзвэл энэ оны эхний хагаст итгэл алдаагүй алт ирэх жилүүдэд ч бидний олимпийн гол найдвар болох төлөвтэй. Монгол Улс энэ онд алтны салбараас 173 тэрбум төгрөг олохоор төсөвтөө суулгасан. Ингэхдээ 23.6 тонн алтыг унцийг нь 1156 ам.доллараар борлуулна гэж тооцсон. Тэгвэл шаргал металлын одоогийн үнэ нь төсөвт суулгаснаас даруй 200 ам.доллараар ахиу байна. Бас нэгэн өөдрөг мэдээ дуулгахад Монголбанкны алтны нөөц энэ оны эхний хагаст өмнөх оны үеэс 72 хувиар өсөж 6.5 тоннд хүрчээ.
САНАЛ БОЛГОХ