МУИС: 2024 он гэхэд Азийн шилдэг 100 Их сургуулийн нэг болох зорилттой байна

МУИС 2024 он гэхэд судалгааны Их сургууль болж Азийн шилдэг 100 Их сургуулийн нэг болох зорилт тавьсан байна. Монголын ууган Их сургууль хэрэгжүүлэхээр төлөвлөсөн дөрвөн төрлийн төсөл хөтөлбөртөө хөрөнгө оруулалт татах зорилгоор өнөөдөр форум зохион байгууллаа. Тухайлбал, 25 сая ам.долларын санхүүжилтээр "МУИС Кампус" төслийг хэрэгжүүлж, олон улсын стандартад нийцсэн сургалтын болон дотуур байр барихаар төлөвлөжээ. Мөн судалгааны нээлттэй лабораторийг ашиглалтад оруулж, шинжлэх ухааны бүхий л чиглэлээр өргөн хүрээнд судалгаа шинжилгээ хийх боломжийг бүрдүүлэхээр зорьжээ. МУИС өнгөрсөн оны хичээлийн жилд нийт 3.7 тэрбум төгрөгийн өртөгтэй 189 судалгаа, хөгжлийн ажлыг хэрэгжүүлсэн байна.