Амралтын өдрийн хөтөч

Бид 5 дахь өдөр бүр амралтын өдрийн хөтөч мэдээллийг хүргэж байхаар болсон билээ. 
Та амралтын өдрүүдийг хэрхэн өнгөрөөх гэж байна? Үд хүртэл унтаад, идээд зурагт үзээд өдөржин гэртээ өнжих амралт биш шүү. Чөлөөтэй байгаа энэ л өдрөөрөө тархиа сэргээж, биеэ хөгжүүл, сонирхолтой арга хэмжээнд оч, найз нөхөдтэйгөө уулз. Энэ амралтын өдрүүдийг үр бүтээлтэй байлгахад туслах арга хэмжээнүүдийн жагсаалтыг ubinfo хүргэж байна.

Хагас сайн өдөр /2018.01.20/

Цасны баяр Цасны парти -2018

Сайн байцгаана уу? залуусаа. Хотын хортой утаанаас холдож хөгжилтэй нэг өдрийг Хандгайт ресортод өнгөрөөцгөөе. Цагаан цасан дээр цэвэр агаар, байгалийн сайханд цана чаргаар гулгаж, хөгжөөнтэй тэмцээнүүдээр өрсөлдөн өвлийн улирал дуусахаас өмнө дурсамжтай нэгэн амралтын өдрийг өнгөрүүлж, аз жаргалтай дурсамж үлдээцгээе.
Хаана: Гео лоунжад цуглаад Хандгайтруу хөдөлнө.
Хэзээ: 2018.01.20-ны 11 цагт

Playtime 2018 Showcase #2

"PLAYTIME 2018" амьд хөгжмийн наадамд оролцохooр бүртгүүлсэн шинэ залуу хамтлаг дуучдын шоукэйс #2! Хаана: Gandan Live House
Хэзээ: 2018.01.20-ны 19:00 цагт
Үнэ: 5000 төгрөг

Камишибай өдөрлөг - Гэр театрын үлгэрүүд

Энэхүү өдөрлөг нь үлгэр сонсох дуртай, номд дурлагч хүүхэд багачуудад зориулсан бөгөөд Японы уламжлалт Камишибай театраар 4 төрлийн үлгэр уншиж өгөхөөс гадна бүтээлч дасгал ажлуудыг хамтдаа хийх болно. Дараах 2 үлгэрийг “Гэр театр”-аар уншиж өгөх бөгөөд, “Манжингийн үлгэр”-тэй холбоотой бүтээлч даалгавар хийнэ.
1. “Баярлалаа, Зүгээрээ”
2. “Манжингийн үлгэр”
3. Бүтээлч цаг 16:30-16:50
Завсарлага 16:50-17:30 Дараах 2 үлгэрийг “Гэр театр”-аар уншиж өгнө.
4. “Чоно ба долоон ишиг”
5. “Шанаган хорхой ээжийгээ эрсэн нь”
Хаана: “Интерном” номын дэлгүүр
Хэзээ: 2018.01.20-ны 15:00 цагт
Үнэ: Үнэ төлбөргүй

Хуучин Номын Үзэсгэлэн Худалдаа

Ном шимтэн уншдаг хүн бүрийг урьж байна. Та хэрэгтэй номоо хямд үнээр зөвхөн эндээс л олох болно.
Хаана: БЗДүүрэг 26 хороо ИХ МОНГОЛ ЦОГЦОЛБОР 3 давхарт STARTUP TERMINAL
Хэзээ: 2018.01.20-ны 10:00 цагт

Free speaking club

Бямба гараг бүр тогтмол SPEAKING CLUB явагдах ба ярих ур чадвараа дээшлүүлэх сонирхолтой, IELTS-ийн оноо авахыг зорьж байгаа болон удахгүй IELTS-ийн шалгалтаа өгөх гэж байгаа хэн бүхэнд нээлттэй бөгөөд англи, монгол багш хослон орж, удирдан чиглүүлнэ.
Хаана: Maxmall худалдааны төвийн урд Одод центр 6 давхар 601 тоот
Хэзээ: 2018.01.20-ны 15:00 цагт
Холбоо барих: 94490919

Үндэсний сурын сургалт #1

Та бүхнийг Монголын Үндэсний Сурын ӨВЛИЙН ХАРВАА сургалтад урьж байна. Өвөг дээдсээс уламжлан ирсэн сур харвааг хойч үедээ өвлүүлэн үлдээхэд таны оролцоо маш чухал. 8 настай балчраас 80 настай буурал хүртэл харвадаг үндэсний сурын харваанд нас, хүйс харгалзахгүй. Анхан болон давтан сургалт явагдана. Нум, сум, хэрэгслээр хангана. Байнга харвадаг залуус та бүхэн өөрийн найз нөхдөө урин хамт оролцуулаарай.
Хаана: Баянгол дүүргийн тамгийн газрын байрны чанх урд 38-р сургуулийн спорт зааланд.
Хэзээ: 2018.01.20-ны 09:00 цагт
Холбоо барих: 99085393

Барах уу? Чадах уу?

Нэг цагийн дотор 6500₮- нд хүссэнээрээ хоолоо сонгон идэх боломжийг та бүхэндээ олгож байна. Харин үйлчлүүлэгч та хоол үлдээвэл торгууль 2000₮ төлнө. тийм ч учраас идэх хэмжээгээрээ цагийн дотор хэдэн ч удаа нэмж идэх боломжтой юм.
Хаана: Бага тойрог, Гялс Ази Түргэн хоол
Хэзээ: 2018.01.20-ны 11:00 цагт

Бүтэн сайн өдөр /2018.01.21/

Гүүрийн явган аялал

Гүүр аялагч клуб байгуулагдлаа. Бид цаашид бүтэн сайн өдөр болгон Зайсангийн Чингисийн өргөөгийн зогсоол дээр өглөө 07:00 д цуглан Богд хан уулын Дугуй цагаан – Баруун ширээт рүү алхана. Өглөөний цай бэлдэж ирэх үүнд өөрийн дуртай юу ч байж болно. Хиам, талх, өргөст хэмх, бяслаг, чанасан өндөг мөн фитнесс өглөөний хоол. Аялал нийтдээ 4-5 цаг үргэлжлэнэ.
Хаана: Зайсангийн Чингисийн Өргөө-ийн зогсоол
Хэзээ: 2018.01.21-ны 07:00 цагт

Герман Үндэстний Буфет Хоолны Өдөр

Гэр бүлээрээ амралтын өдрийнхөө өдрийн хоолоо идэх газраа сонгоогүй байгаа бол Манай рестораны зүгээс Ням гараг бүр зохион байгуулж буй Герман үндэстний буфет хоолны өдөрлөгт хүрэлцэн ирж хүссэн хэмжээгээрээ зооглохыг хүсч байна. Хамтлаг дуучин, хөгжилтэй алиалагч зэрэг гайхамшигт үзүүлбэрээр дүүрэн байх болно.
Хаана : Үндэсний циркийн зүүн өргөтгөлд Krone Brauhaus ресторан
Хэзээ: 2018.01.21-ны 11:00 цагт
Үнэ: Том хүн 35000 төгрөг  Хүүхэд 25000төгрөг /11-16нас/ Хүүхэд 15000төгрөг /5-10 нас/

Kids Cooking Class /Хүүхдийн хоолны сургалт/

''Таван Богд Вашёкү'' ХХК нь Нийгмийн Хариуцлагын хүрээнд салбар ресторанууд болох Нагоми болон Сакура дээр Хүүхдийн хоолны сургалтыг сар бүр тогтмол явуулдаг билээ. Энэ удаагийн ээлжит сургалт энэ бүтэн сайн өдөр зохион байгуулагдана.
Хаана: СБД,Засгийн газрын ордны зүүн талд байрлах, Нагоми2 ресторан дээр
Хэзээ: 2018.01.21-ны 11:00 цагт
Бүртгүүлэх: 94042818 /Ажлын цагаар/
Үнэ: 5000 төгрөг