Нэрт зураач Н. Санчирын "Чиний доторх чи" үзэсгэлэн гарч байна

Шинэ шинэлэг, содон бүтээлүүдийг сорчилон дэлгэдэг Art of UB галерейд Язгууртан гаралтай Монгол улсын зураач, Европын урлагийн холбооны шагналт өдгөө 74 насыг зооглож буй Намхайцэрэнгийн Санчирын 1990-д оноос онцгойлон хадгалсан бүтээлүүдийг толилуулж байна. 

Зураач Санчир нь

• Угерске Градиште хотын Уран сайхан - үйлдвэрлэлийн сургууль (1963 - 1968 онд)
• Санкт-Петербүрг хотын Дүрслэх урлагийн академид (1972 - 1977 онд) суралцах хугацаанд дүрслэх урлагийн ур чадварыг эзэмшжээ. 

Түүний уран бүтээлээс Чех улсын ямар нэгэн уран зургийн урсгалаар эсвэл уламжлалт монгол уран зургаар өөрийгөө хязгаарлахгүйгээр өөртөө өндөр итгэлтэйгээр олон тооны дүрслэх урлагийн нарийн ялгаа, хувилбарыг өөрийн өвөрмөц гоо сайхны илэрхийллээр тусгаж чадсаныг харж болно. 

Монгол улсад сонгодог урлагийн хөгжил дутмаг байсан үе буюу 1990-д онд Монголчууд гэрээ чимэглэхдээ хивс өлгөх нь түгээмэл байх үед Зураач Санчир Монгол улсын урлагийн хөгжилд үл баригдаж, дэлхийн хэмжээний урлагийн урсгалыг Монгол улсад дэлгэрүүлж байсан билээ.

Түүний аав Намхайцэрэн нь зураач, хөгжимчин бөгөөд Улсын Дуурь Бүжгийн Эрдмийн Театрын үүсгэн байгуулагч байсан нэгэн билээ. Язгууртан угсаа болон урлагийн гэр бүлд өссөн нь түүний урлагийн содон болон бусдаас түрүүлж бүтээсэн урлагийн бүтээлүүдтэй хамааралтай гэхийг үгүйсгэхгүй.

Хаяг: СБД, 1-р хороо, Жамьян Гүн гудамж, Чойжин Сүитс Барилга, 2 давхар 205 тоот, Art of UB 
Такс: Том хүн 10,000, Хүүхэд (-16) 5,000
Холбогдох утас: 9016-9999, 9075-3509