6294

Инфантиногийн санал битгий дэмжигдээсэй

Спорт

2026 оны ДАШТ- ээс эхлэн 48 баг өрсөлддөг болох нь

FIFA-гийн ерөнхийлөгч Жанни Инфантиногийн ДА ШТ- д 48 баг оролцдог болгох санал өдгөө хөлбөмбөгийн ертөнцөд хамгийн их маргаан дагуулсан сэдэв болоод байна. Ноён Инфантино анх Блаттерийн халааг авч, FIFA-гийн тэргүүн ээр сонгогдохдоо ДА ШТ-д орох багийн тоог наймаар нэмэгдүүлж, 40 хүргэнэ гэсэн мөрийн хөтөлбөр дэвшүүлсэн. Харин одоо энэ тоогоо дахин нэмж, 48 хүргэхээр төлөвлөжээ. Хэрэв түүний санал дэмжигдвэл 2026 оны тэмцээнээс эхлэн 48 баг алтан цомын төлөө өрсөлддөг болох нь. Дашрамд сануулахад, тэмцээн тив тивд ээлжлэн зохиогдох хуваарийн дагуу 2026 оных Хойд Америкт болно. Тиймээс АНУ, Канад, Мексикийн аль нэг нь түүхэн ДА ШТ-ийг хүлээн авах болов уу.

Тэрбээр өөрийн дэвшүүлсэн санаачилгын талаар шийдвэр гаргах эрх мэдэл бүхий түшмэдтэй ярилцаж үзэхэд бүгд дэмжсэн гэнэ. “Тэмцээнд оролцох багийн тоог нэмэгдүүлэхийг тэд бүгд дэмжиж байгаа. Ялангуяа 40 биш, 48 баг оролцуулах хувилбар тэдэнд их таалагдсан” хэмээн Инфантино өгүүлжээ.

Ноён ерөнхийлөгч бусад улс орны дэмжлэгийг авахын тулд олон хүнтэй уулзалт хийсээр байгаа аж. Тэрбээр UEFA-гийн тэргүүн Мишель Платини Европын АШТ-д оролцох багийн тоог 16-гаас 24 болгож нэмэгдүүлснээр жишээ авч, энэ жишгийг дагахад зөвдөнө хэмээн нотолсоор явна.

“ДАШТ-д 32 баг ороход нийт 64 тоглолт гардаг. Харин 48 болгож нэмэгдүүлснээр тоглолтын тоо 80 болно. Энэ нь зохион байгуулагчдад тийм ч том дарамт болохгүй. “Евро 2016”-г хар л даа. Олон шинэ баг өрсөлдөж, тэмцээнийг сонирхолтой болголоо. Бид ч бас ДА ШТ-д оролцох багийн хүрээг нэмж, бусад оронд боломж олгох шаардлага тулгараад байна” хэмээн тэр тайлбарласан юм.

Одоо түүний санал болгож буй хувилбарыг нарийвчлан задлаад үзье. Тэмцээнд оролцох 48 баг гурав, гурваараа 16 хэсэгт хуваагдах аж. Хэсэг тус бүрээс хоёр, нийт 32 баг плей- оффт шалгарч, цааш хасагдах системээр тоглосоор аваргаа тодруулах болно. Энэ тохиолдолд хэсгийн тоглолтууд сунжирч мэдэх эрсдэл бий. Нэг хэсэгт гуравхан баг байгаа учраас биесээ тойрч хожоод, оноо тэнцэх магадлал маш их. Тиймээс нэмэлт тоглолт гаргахгүйн тулд тэнцсэн багуудыг цуврал торгуулийн цохилт хийлгэх хувилбар ч яригдаж байна. Торгуулийн цохилтод хожсон нь нэмэлт оноо авах юм. Яг хоккей шиг.

Өөр нэг хувилбар байгаа нь 16 баг хэсгийн шатанд өрсөлдөх эрхээ шууд авна. Харин үлдсэн 32 нь нэмэлт тоглолт хийж, ялсан нь тэдэн дээр нэмэгдэх аж.

Тэмцээнд оролцох 48 баг гурав, гурваараа 16 хэсэгт хуваагдах аж
Мэдээж түүний саналыг дэмжих нэгэн байхад эсэргүүцэх хүн ч мундахгүй олон. Тухайлбал, FIFA-гийн өмнөх тэргүүн З.Блаттер хамгийн их эсэргүүцэж байгаа хүн. Тэрбээр “32 багтай систем бол хамгийн төгс хувилбар. Түүх үүнийг гэрчилнэ” гэсэн юм. Түүнчлэн Германы шигшээгийн дасгалжуулагч Й.Лёв “Жижиг багуудыг дэмжихийн тулд ийм санаачилга гаргасныг би ойлгож байна. Гэхдээ тооноос илүү чанарт анхаарах ёстой. Хэрэв оролцох багийн тоог 48 болгож нэмэгдүүлбэл тэмцээний нэр хүнд унах болно” гэв. Мөн “Арсенал”-ын дасгалжуулагч өндөртэй тэмцээн. Зарим орны хувьд тэмцээний эрхээ авах нь нэр төрийн хэрэг байдаг. Гэтэл оролцох орны тоог 48 болгочихвол шалгуур улам зөөлөрч, тэр хэрээр нэр хүнд нь буурах магадлалтай. Тиймээс ноён Инфантиногийн санал битгий дэмжигдээсэй гэж хүлээх л үлдэж байна. 2017 оны нэгдүгээр сарын 9-10-нд болох FIFA-гийн Гүйцэтгэх зөвлөлийн хурлаар асуудал шийдэгдэх аж.

Эцэст нь сонирхуулахад, анхны ДАШТ 1930 онд Уругвайд болоход 13-хан баг оролцсон түүх бий. Европын орнууд тэмцээн зохион байгуулах эрхийг Уругвайд өгснийг эсэргүүцэн бөөнөөрөө бойкот зарласан юм. Гэхдээ FIFA-гийн удирдлагууд зарим холбоодыг ятгаж дөнгөснөөр Франц, Югослав, Румын, Бельгийн баг буурал тивийг төлөөлөн Өмнөд Америкийг зорьж байв. Харин 1934 онд Италид зохиогдсон удаах тэмцээнд 16 баг орж, энэ тоо 1982 оныг хүртэл хадгалагдсан юм. 1982, 1986, 1990, 1994 оны мундиальд тус бүр 24 баг тоосоо өргөсний эцэст 1998 оноос багийн тоо 32 болж өссөн билээ. 32 баг дөрөв, дөрвөөрөө найман хэсэгт хуваагдаж, хэсгээс шалгарсан 16 нь хасагдах журмаар тоглодог энэ систем Блаттерийн хэлсэнчлэн хамгийн төгс хувилбар гэж болно. Гэвч одоо энэ тоо 48-д хүрч магадгүй нөхцөл байдал үүсээд байна.
САНАЛ БОЛГОХ
Та утсандаа UB Info апп суулгаад мэдээгээ утаснаасаа уншаарай
Засгийн газрын мэдээ