1346

“PotashCorp”, "Agrium”-тай нэгдсэнээр бордооны хамгийн том компани болно

Мөнгө ба бизнес

Нүүрсхүчлийн кали буюу поташ үйлдвэрлэгч Канадын “PotashCorp”-ийн “Agrium”-тай нэгдэн нийлэх хэлцлийг хувьцаа эзэмшигчид нь зөвшөөрчээ. Ингэснээр ургацын бордооны дэлхийн хамгийн том компани бий болох юм. Нэгдсэн компанийн зах зээлийн үнэлгээ 18 тэрбум ам.доллараар хэмжигдэж байна. “PotashCorp”-ийн хувьцаа эзэмшигчдийн 99 хувь нь, “Agrium”-ийн хувьцаа эзэмшигчдийн 98 хувь нь энэ саналыг хүлээн зөвшөөрсөн байна. Нэгдсэн компанийн 52 хувийг “PotashCorp”, 48 хувийг “Agrium”-ийн хувьцаа эзэмшигчид эзэмшинэ. Хэрэв энэ хэлцлийг цуцалбал хүсэлт гаргасан тал 485 сая ам.долларын торгуулийг нөгөө талдаа төлөх юм.

“Abbott Laboratories” компани 5.8 тэрбум ам.долларын худалдан авах хэлцлээ зөрчсөн “Alere Inc.” компанийг шүүхэд өглөө. “Alere”-ийн АНУ дахь төлбөрийн нэхэмжлэх болон бусад улс дахь үйл ажиллагаанд хийсэн авлигатай холбоотой мөрдлөгийн баримт бичгүүдийг “Abbott Laboratories”-д хүлээлгэн өгөхийг шаардсан ч биелүүлээгүйгээс шүүхийн хэрэг үүссэн байна. Нэгдэн нийлэх хэлцлийг энэ оны хоёрдугаар сард зарласан аж. Есдүгээр сард талууд маргаан шийдвэрлэх гуравдагч талд хандсан ч тодорхой шийдэлд хүрээгүй учраас ийнхүү шүүхэд хандахаар болжээ.



Чип үйлдвэрлэгч “Microsemi” корпораци “Skyworks Solutions”-ийн худалдан авах сонирхлын дараа хэлцлийг судалж эхэлжээ. “Microsemi" компани "Bank of Montreal”-ийг хэлцлийн зөвлөхөөр хөлслөн авсан байна. Учир нь тус банк өмнө нь “Skyworks Solutions” компани “Woburn”-ийг худалдан авах хэлцэлд зөвлөхөөр ажиллаж байжээ. Дотоод эх сурвалжийн дээрх мэдээлэл задарсны дараа “Microsemi”-ийн хувьцааны ханш NASDAQ биржид 19.5 хувиар өсжээ.





САНАЛ БОЛГОХ
Та утсандаа UB Info апп суулгаад мэдээгээ утаснаасаа уншаарай
Засгийн газрын мэдээ